«Արսենալը», «Չելսին», «Լիվերպուլը» և «Տոտտենհեմը» հերթ են կանգնել «Բարսելոնայի» վինգեր Պեդրոյի համար, ով հասանելի կլինի ընդամենը 7 մլն ֆունտով:
28-ամյա իսպանացին այս մրցաշրջանում 20 անգամ է եղել Լա Լիգայում «Բարսելոնայի» հիմնական կազմում: Չնայած հարձակման իր եզրում գործելու կարողությանը, Պեդրոն սովորաբար մրցակցությունում զիջում է Մեսսիին, Նեյմարին և Լուիս Սուարեսին:
Պեդրոյի պայմանագիրը լրանալու է արդեն 2016թ-ին, և մշտական խաղային պրակտիկա ունենալու ցանկությունը նրան կարող է ստիպել փոխել ակումբը: Ինչպես հաղորդում է The Telegraph-ը, «Բարսելոնան» արդեն իր ֆուտբոլիստին առաջարկել է Պրեմիեր Լիգայի ներկայացուցիչներին:
Սակայն Պեդրոյի հանդեպ հետաքրքրությունը չի սահմանափակվում Պրեմիեր Լիգայով: Իսպանացու համար, ով հինգ անգամ դարձել է Լա Լիգայի չեմպիոն, պայքարում է նաև «Ինտերը»:
