«Մանչեսթեր Սիթիի» հարձակվողների ընտրության խնդրի անակնկալ լուծում կարող է լինել երիտասարդ Ջոն Գվիդետտին, ով 12 ամիս բուժումից հետո շարք է վերադարձել:
Ինչպես հայտնի է, այս ամառ «քաղաքայինները» հրաժեշտ տվեցին Կարլոս Տևեսին, սակայն, դեռևս Մարիո Բալոտելիի կորուստն է զգացնել տալիս: Ակնհայտ է, որ հարձակումը միակ գիծն է, որը համալրման կարիք ունի:
Ինչպես հայտնում է Manchester Evening News-ը, ստեղծված իրավիճակում իր հնարավորությունը կարող է ստանալ 21-ամյա շվեդ Գվիդետտին, ում անցած տարի ցանկանում էր վարձակալել «Մալագան»:
Այբյուրը հայտնում է, որ Գվիդետտին, ով բաց է թողել նախորդ մրցաշրջանը վատ առողջության պատճառով, այս շաբաթ սկսել է մարզվել: Նրա վերականգնումը շարունակվում է, սակայն Ջոնը պետք է թիմի հետ շրջագայության մեկնի Հարավային Աֆրիկա:
-Վստահ եմ, որ 2 ամսվա ընթացքում ես ամբողջությամբ պատրաստ կլինեմ, և անհամբեր սպասում եմ նոր մրցաշրջանի մեկնարկին: Ես նախամրցաշրջանային պատրաստություն կանցկացնեմ և կկարողականամ սկսել սկզբից,- հայտնել է Գվիդետտին:
Հիշեցնենք, որ իր վերջին մրցաշրջանում, որը վարձավճարով անցկացրել էր «Ֆեյենորդում», Գվիդետտին 23 խաղերում 20 գոլ է խփել, ներառյալ «Այաքսի» հետ խաղում հեթ-տրիկը: Տեղացի երկրպագուներն անգամ Ջոնին համեմատում էին իր հայրենակից Զլատան Իբրահիմովիչի հետ:
