«Լիվերպուլի» վինգեր Ռահիմ Սթերլինգը ոչ միայն բաց կթողնի մրցաշրջանի մնացած հատվածը, այլ նաև Եվրոպայի մինչև 21 տարեկանների առաջնությունում Անգլիայի հավաքականի արտագնա խաղը Իսրայելի հետ:
Արդեն երկար ժամանակ է, ինչ 18-ամյա Ստերլինգին անհանգստացնում է ազդրի վնասվածքը: «Կարմիրների» մարզչական շտաբը որոշել է մրցաշրջանի մնացած հատվածում իրենց տաղանդավոր ֆուտբոլիստին հանգստանալու հնարավորություն տալ:
Սակայն այժմ պարզ է դարձել, որ Ռահիմի բացակայությունը կարող է երկար տևել: Ինչպես հաղորդում է The Sun-ը, ռիսկի չգնալու համար Ստերլինգը չի պատրաստվում մասնակցել Եվրոպայի երիտասարդական առաջնությանը:
