«Լիվերպուլի» դեմ այսօրվա խաղից առաջ «Քուինս Պարկ Ռեյնջերսի» գլխավոր մարզիչ Հարի Ռեդնապը հայտնել է, որ իրենց մրցակիցներին չի տեսնում Պրեմիեր Լիգայի ընթացիկ մրցաշրջանում չեմպիոնական պայքարի մասնակիցների թվում:
Այսօր՝ 16:30-ին լոնդոնցիները, ովքեր այս պահին 4 միավորով զբաղեցնում են աղյուսակի վերջին հորիզոնականը, կհյուրընկալեն «Լիվերպուլին»: Հարիի կարծիքով, «կարմիրները» նախորդ մրցաշրջանի պես ուժեղ չեն:
-Կարծում եմ՝ նախորդ մրցաշրջանում նրանք շատ ուժեղ էին: Երբ նրանք հաղթեցին «Մանչեսթեր Սիթիի», ես կարծում էի, որ կհաղթեն Լիգան, սակայն հետո եկավ «Չելսին» և քանդեց նրանց: Կարծում եմ՝ նախորդ մրցաշրջանում նրանք արժանի էին տիտղոսի:
Նրանք կորցրին աշխարհի չորրորդ լավագույն ֆուտբոլիստին՝ ի դեմ Սուարեսին, և նրան փոխարինելը շատ դժվար է: Վստահ եմ, որ այս տարի նրանք կպայքարեն Չեմպիոնների Լիգայի գոտում տեղ գտնելու համար, սակայն չեմ պատկերացնում, որ նրանք կարող են հաղթել տիտղոսը,- Ռեդնապի խոսքերն է մեջբերում Daily Mirror-ը:
