«Լիվերպուլի» գլխավոր մարզիչ Բրենդան Ռոջերսը խոսել է առաջիկա տրանսֆերային նպատակների մասին:
-Կարագերն ավարտում է կարիերան: Դրանից հետո բնականաբար, ակումբը համալրման կարիք կունենա: Երջանիկ կլինեմ, եթե հաջողվի ձեռք բերել ևս 3-4 որակյալ ֆուտբոլիստի:
Մեզ հետաքրքրում է հատկապես որակը, ոչ թե քանակը: Հունվարին տեսանք, թե ինչերի են ընդունակ Կոուտինյոն և Սթարիջը: Կրկնեմ՝ եթե ձեռք բերենք նրանց մակարդակի ևս 3-4 խաղացող, այդ ժամանակ կունենանք ուժեղ կազմ:
«Լիվերպուլին» պետք է 20-22 ֆուտբոլիստ, այսինքն 2-ական խաղացող յուրաքանչյուր դիրքում, գումարած երեք դարպասապահ,- հայտնել է Ռոջերսը:
The Telegraph պարբերականի փոխանցմամբ, «Լիվերպուլը» հնարավոր է ծախսի մոտ 20 մլն ֆունտ ամառային տրանսֆերային պատուհանի ժամանակ: Բացի այդ նրանք մտադիր են վաճառել մի քանի խաղացողների, մասնավորապես պաշտպան Մարտին Շկրտելին:
