«Սանդերլենդը» պաշտոնապես հայտնել է գլխավոր մարզչի պաշտոնից Պաոլո Դի Կանիոյին հեռացնելու մասին:
Նախորդ մրցաշրջանում «կատուները» կարողացան խուսափել Պրեմիեր Լիգայից դուրս մնալուց: Ամառվա ընթացքում թիմը համալրվեց նոր ֆուտբոլիստներով և Դի Կանիոն ստեղծեց այն թիմը, որն ինքն էր ցանկանում:
Սակայն ընթացիկ մրցաշրջանի մեկնարկային 5 խաղերից հետո «Սանդերլենդը» 1 միավորով եզրափակում է մրցաշարային աղյուսակը, և «Վեստ Բրոմվիչից» կրած պարտությունից հետո (3:0) ակումբը գլխավոր մարզչի պաշտոնից հեռացրեց իտալացի մասնագետին:
Պաոլոն «Սանդերլենդում» մնաց ընդամենը 6 ամիս: «Պիտերբորոյի» հետ երեքշաբթի կայանալիք Լիգայի գավաթի խաղին «կատուներին» կպատրաստի Քևին Բոլը:
Ավելացնենք, որ բուքմեյքերները «Սանդերլենդի» գլխավոր մարզչի պաշտոնում առավել հավանական են համարում Ռոբերտո Դի Մատեոյի և Գուս Պոյետի թեկնածությունները:
