«Սանդերլենդը» պաշտոնապես հայտնել է Սենեգալի ազգային հավաքականի 29-ամյա հարձակվող Կադեր Մանգանի տրանսֆերի մասին: Ֆուտբոլիստը վեց ամսվա պայմանագիր է ստորագրել անգլիական ակումբի հետ:
Իր կարիերան Մանգանը սկսել է Շվեյցարիայում, որից հետո հանդես է եկել ֆրանսիական «Լանսում» և «Ռենում»: Անցած մրցաշրջանում Մանգան ազատ ֆուտբոլիստի կարգավիճակով տեղափոխվեց Սաուդյան Արաբիայի «Ալ-Հիլյալ» ակումբ:
Ֆուտբոլիստի ծառայություններով հետաքրքրված էր նաև «Վեստ Հեմը» և «Արսենալը»:
Մանգանը ձմեռային տրանսֆերային պատուհանի ընթացքում «Սանդերլենդի» երկրորդ ձեռքբերումն է:
