«Սաութհեմպտոնը» չի կանգնեցնի իր ավագ Ջեյմս Ուորդ-Պրոուզի ճանապարհին, եթե նա ցանկանա հեռանալ այս մրցաշրջանի ավարտից հետո:
Ուորդ-Պրոուզն այս մրցաշրջանում բարձր մակարդակի վրա է հանդես գալիս՝ Պրեմիեր լիգայում խփելով 6 գոլ և կատարելով երկու գոլային փոխանցում: Այնուամենայնիվ, «Սաութհեմպտոնը» այժմ գտնվում է աղյուսակի ամենավերջում՝ փրկության հորիզոնականին զիջելով չորս միավոր:
Ըստ talkSPORT-ի՝ Սեյնթ Մերիսի թիմը Ջեյմսի նկատմամբ հետաքրքրություն է ակնկալում այլ ակումբներից, այդ թվում՝ «Տոտտենհեմից» և «Վեստ Հեմից»: Իսկ եթե 28 ամյա կիսապաշտպանը ցանկանա հեռանալ, ապա նրան ետ չեն կանգնեցնի։
Հավելում ենք, որ Ուորդ-Պրոուզը «Սաութհեմպտոնի» ակադեմիայի սան է, ում համակարգում է ութ տարեկանից։
