«Սևիլյայի» նախագահ Խոսե Մարիա Դել Նիդոն հայտարարել է, որ իր ակումբը «Մանչեսթեր Սիթիից» առաջարկություն չի ստացել Ալվարո Նեգրեդոյին ձեռք բերելու վերաբերյալ:
Մամուլի տեղեկությունների համաձայն, «քաղաքայինների» նոր գլխավոր մարզիչ Մանուել Պելեգրինին 27-ամյա իսպանացուն դիտարկում է որպես ակումբը լքած Մարիո Բալոտելիի և Կարլոս Տևեսի փոխարինող: Սակայն իր հետաքրքրությունը «Սիթին» դեռևս ոչ մի կերպ չի ներկայացրել:
-Նեգրեդոյի հարցում ոչինչ չի փոխվել: Նա իր թիմակիցների հետ մարզվում է, իսկ նրա պայմանագիրը դեռևս երեք տարի ուժի մեջ է: «Մանչեսթեր Սիթիի» կողմից առաջարկ չի եղել,- Sky Sports-ին հայտնել է Դել Նիդոն:
Բացի այդ, ինչպես հայտնում է The Independent-ը, «Ռեալ Մադրիդի» գլխավոր մարզիչ Կարլո Անչելոտին հրաժարվել է «Սիթի օֆ Մանչեսթեր» բաց թողնել պաշտպան Պեպեին:
