«Բարսելոնայի» նախկին դարպասապահ Վիկտոր Վալդեսի նախատեսված տեղափոխությունը «Լիվերպուլ» վտանգված է։
«Կարմիրների» գլխավոր մարզիչ Բրենդան Ռոջերսը չի թաքցնում դարպասապահի դիրքն ուժեղացնելու իր ցանկությունը։ Նրանց առաջին համար Սիմոն Մինյոլեն այժմ անկայուն խաղ է ցուցադրում։
Ռոջերսը պատրաստ է պայմանագիր առաջարկել 32-ամյա Վալդեսին, ով նոր է ապաքինվել ծանր վնասվածքից։ Մարզավիճակի մասին ստույգ պատկերացում ունենալու համար իսպանացին 4 օրով հրավիրվել է Մելվուդ։
Սակայն, ինչպես հաղորդում է Daily Mirror-ը, տիտղոսավոր դարպասապահը որոշել է, որ դա իր արժանապատվությունից ցածր է։ Սպասվում է, որ «Լիվերպուլը» կհրաժարվի գործարքից։
