«Վեստ Հեմը», «Նորվիչը» և «Սուոնսին» կպայքարեն «Լիվերպուլի» կիսապաշտպան Ջոնջո Շելվիին ձեռք բերելու համար: Այս մասին հայտնում է Daily Mail-ը:
Այս ամառ մերսիսայդյան ակումբը պատրաստ է լսել Շելվիին գնելու մասին առաջարկներ, ում հետ կապված երբեք էլ մեծ ակնկալիքներ չի ունեցել: «Լիվերպուլը» ցանկանում է ֆուտբոլիստին վաճառել, ոչ թե վարձավճարով տալ այլ ակումբի:
Հիմա մի շարք ակումբների անուններ են հայտնվել, որոնք կպայքարեն Շելվիի համար: Խոսքը «Սուոնսիի», «Նորվիչի» և նաև «Վեստ Հեմի» մասին է, որին Ջոնջոն մանկուց երկրպագում է:
Հավելենք, որ «Լիվերպուլը» հույս ունի Անգլիայի երիտասարդական հավաքականի ֆուտբոլիստի համար ստանալ 5 մլն ֆունտ:
