Պրեմիեր Լիգայի 5-րդ տուրի այսօրվա վերջին խաղում «Վեստ Հեմ Յունայթեդը» հյուրընկալել էր «Լիվերպուլին»:
Բրենդան Ռոջերսի սաները հերթական անակնկալ պարտությունը կրեցին, այս անգամ լոնդոնյան ակումբից: Դաշտի տերերն ակտիվ սկսեցին խաղը և արդեն 7-րդ րոպեին հաղթում էին 2:0 հաշվով: Գոլերի հեղինակ էին դարձել Ուինսթոն Ռիդը և Դիաֆրա Սախոն:
26-րդ րոպեին Ռահիմ Ստերլինգը կրճատեց հաշվի տարբերությունը, սակայն «կարմիրներն» ավելին անել չկարողացան: Երկրորդ խաղակեսում էլ Մորգան Ամալֆիտանոն երրորդ գնդակն ուղարկեց Սիմոն Մինյոլեի պաշտպանած դարպասը:
«Վեստ Հեմը» հաղթեց 3:1 հաշվով և վաստակած 7 միավորով բարձրացավ 8-րդ հորիզոնական:
Գոլեր. Ռիդ՝ 2ր, Սախո՝ 7ր, Ստերլինգ՝ 26ր, Ամալֆիտանո՝ 88ր:
