Պրեմիեր Լիգայից դուրս մնացած «Քուինս Պարկ Ռեյնջերսը» առաջարկ է արել «Լիվերպուլի» հարձակվող Ռիկի Լամբերտին:
Սպասվում է, որ այս ամառ «ռեյնջերները» կբաժանվեն իրենց լավագույն ռմբարկու Չարլի Օսթինից, ով Պրեմիեր Լիգայի 2014/15 մրցաշրջանում դարձավ 18 գոլի հեղինակ: ՔՊՌ-ն Օսթինին փոխարինող տեսնում է 33-ամյա Լամբերտին:
«Էնֆիլդում» Ռիկիի նորամուտը կարելի է ձախողված համարել, և մեծ է հավանականությունը, որ «կարմիրները» կնախընտրեն վաճառել փորձառու ֆուտբոլիստին: Evening Standard-ի հաղորդմամբ, «Լիվերպուլը» Լամբերտի տրանսֆերը գնահատել է 2,5 մլն ֆունտ:
Հաղորդվում է, որ լոնդոնյան ակումբն արդեն իր տրանֆերային ցուցակում առաջնային դիրքում է դրել Լամբերտի անունը: Սակայն հայտնի չէ, արդյոք Ռիկին կցանկանա խաղալ Չեմպիոնշիփում:
