«Մանչեսթեր Յունայթեդը» պետք է ծախսի առնվազն 100 միլիոն եվրո՝ այս ամառ «Նապոլիի» հարձակվող Վիկտոր Օսիմենին ձեռք բերելու համար:
Տրանսֆերային պատուհանում «Յունայթեդի» համար առաջնահերթություն է թոփ-մակարդակի հարձակվող ձեռք բերելը։
«Տոտտենհեմի» ֆուտբոլիստ Հարի Քեյնին կապում են «Յունայթեդ» տեղափոխվելու հետ, բայց եթե կարելի է հավատալ շշուկներին, ապա «կարմիր սատանաների» գլխավոր մարզիչ Էրիկ Տեն Հագը նախընտրում է առաջնագծում տեսնել Օսիմենի նման արագաշարժ խաղացողի:
Այս մրցաշրջանում Վիկտորը դարձել է Եվրոպայի թոփ-ակումբների ամենացանկալի հարձակվողներից մեկը: 24 ամյա նիգերիացին բոլոր մրցաշարերում անցկացրած 20 խաղում 15 գոլ է խփել՝ օգնելով «Նապոլիին» ամրապնդվել Ա Սերիայի առաջին հորիզոնականում:
Այնուամենայնիվ, խնդրին ծանոթ աղբյուրը ESPN-ին ասաց, որ «Նապոլին» չի բաժանվի Օսիմենից 89 միլիոն ֆունտից պակաս գումարով: «ՊՍԺ»-ից Վիկտորի նկատմամբ հետաքրքրությունը կարող է միայն բարձրացնել գինը:
Այս պահին «Յունայթեդը» և «ՊՍԺ»-ն դիտարկվում են որպես երկու հսկաներ, որոնք հարձակվողի կարիքն ունեն, մինչդեռ «Մանչեսթեր Սիթին» ձեռք բերեց Էրլինգ Հոլանդին անցյալ ամառ, «Լիվերպուլը»՝ Դարվին Նունեսին, «Բարսելոնան»՝ Ռոբերտ Լևանդովսկուն:
Բացի նշված Օսիմենից ու Քեյնից, «սատանաները» կարող են ուշադրություն դարձնել նաև Բենջամին Սեշկոյին՝ «Ռեդ Բուլից» և Դուշան Վլախովիչին՝ «Յուվենտուսից»։
