«Սաութհեմպտոնի» նորեկ Վիկտոր Վանյաման խոստովանել է, որ իր համար հեշտ չէր հեռանալ «Սելտիկից», բայց ուրախ է, որ Պրեմիեր Լիգայի պատմության մեջ առաջին քենիացի ֆուտբոլիստն է:
12 մլն ֆունտով «Սաութհեմպտոնին» հաջողվեց ձեռք բերել 22-ամյա Վիկտորին, ում ծառայություններով հետաքրքրվում էին ավելի լուրջ ակումբներ, ինչպիսին է «Մանչեսթեր Յունայթեդը»: Վանյաման երկու հաջող մրցաշրջան է անցկացրել Շոտլանդիայում և «Սելտիկից» հեռանալը նրա համար հեշտ չէր:
-Դժվար էր նրանց լքելը, նրանք իմ հանդեպ շատ բարի էին, բայց ես նրանց երկրպագուներին ամենալավն եմ մաղթում: Հույս ունեմ, մի օր մենք նորից կմիանանք:
Ես տպավորված եմ, քանի որ Պրեմիեր Լիգայում խաղալն ինձ համար նոր փորձություն է: Ինձ համար մեծ նշանակություն ունի այն փաստը, որ ես առաջին քենիացին եմ Պրեմիեր Լիգայում, բայց ես պետք է շատ աշխատեմ, որպեսզի թիմում հաստատվեմ և այդ ժամանակ կտեսնենք,- Վանյամայի խոսքերն է մեջբերում Daily Mirror-ը:
