«Միդլսբրոն» պատրաստ է առաջարկություն անել «Լիվերպուլի» վինգեր Ստյուարտ Դաունինգին:
Լուրերի համաձայն «կարմիրների» գլխավոր մարզիչ Բրենդան Ռոջերսը վերջնականապես որոշում է կայացրել Դաունինգի հարցով և պատրաստվում է այս ձմռանը բաժանվել նրանից:
Պրեմիեր Լիգայի մի քանի ակումբներ դիտարկում են Դաունինգին ձեռք բերելու հնարավոր տարբերակը: Սակայն «Միդլսբրոն» պատրաստ է պայքարել իր նախկին ֆուտբոլիստի համար, ով իր կարիերայի լավագույն տարիները անց է կացրել հենց «Ռիվերսայդում»:
Հաղորդվում է, որ «Միդլսբրոյի» ղեկավարությունը գումար է պատրաստել Դաունինգին գնելու համար: Ֆուտբոլիստը ավելի քան 200 խաղ է անցկացրել «Միդլսբրոյի» կազմում: 2009թ-ին 12 մլն ֆունտով վաճառվել է «Աստոն Վիլլային»: Sky Sports
