«Լիվերպուլի» պաշտոնական կայքը հաստատել է ուրուգվայցի հարձակվող Լուիս Սուարեսի տեղափոխությունը կատալոնական «Բարսելոնա»:
Անգամ չորսամսյա որակազրկումը չխանգարեց, որ «Բարսելոնան» գնի Սուարեսին: «Կարմիրներն» ընդունել են կատալոնական ակումբի առաջարկը, որը գնահատվում է 75 մլն ֆունտ:
-«Լիվերպուլը» հաստատում է, որ Սուարեսը տեղափոխվում է «Բարսելոնա»: Մենք ցանկանում ենք շնորհակալություն հայտնել Սուարեսին, ում շնորհիվ Չեմպիոնների Լիգան վերադարձավ «Էնֆիլդ»,- ասվում է մերսիսայդյան ակումբի հայտարարության մեջ:
Սուարեսի տրանսֆերը հաստատել է նաև «Բարսելոնան»: Իսպանական ակումբը հայտնում է, որ Սուարեսի հետ հինգ տարվա պայմանագիր կստորագրվի, իսկ երկրպագուներին պաշտոնապես կներկայացվի հաջորդ շաբաթ:
