«Արսենալի» վինգեր Թեո Ուոլկոտի վերադարձը կկայանա սեպտեմբերի 27-ին՝ «Տոտտենհեմի» հետ հյուսիսլոնդոնյան դերբիում:
Հունվարին «զինագործներն» Անգլիայի գավաթում հաղթեցին «Տոտտենհեմին»: Այդ խաղում Թեոն լուրջ վնասվածք ստացավ, ինչի պատճառով բաց թողեց Բրազիլիայում կայացած աշխարհի առաջնությունը:
Ութամսյա բացակայությունից հետո Ուոլկոտի վերադարձը կլինի Պրեմիեր Լիգայում «Տոտտենհեմի» դեմ խաղին: Ինչպես հաղորդում է Daily Mirror-ը, 25-ամյա անգլիացին կրկին «Արսենալի» տրամադրության տակ կլինի սեպտեմբերի վերջին:
