«Վեստ Բրոմվիչի» գլխավոր մարզիչ Սթիվ Քլարկը վստահ է որ հունվարյան տրանսֆերի ժամանակ կունենա անհրաժեշտ գումար թիմը նոր ֆուտբոլիստներով համալրելու համար:
-Ես դեռ չեմ խոսել ակումբի նախագահի հետ այդ մասին, սակայն այս հարցը քննարկել եմ մեր տեխնիկական տնօրենի հետ: Եթե նախագահը, տեխնիկական տնօրենն ու ես որոշենք, որ մեզ պետք է համալրում, ապա ձեռք կբերենք նոր խաղացողներ: Իսկ միջոցնե՞ր: Կարծում եմ, ունենք,- տեղեկացրել է Քլարկը:
Նշենք, որ Պրեմիեր լիգայի ներկայիս մրցաշրջանում թիմն իսկական սենսացիա դարձավ. այս պահին «Վեստ Բրոմվիչը» գտնվում է մրցաշարային աղյուսակի 3-րդ հորիզոնականում` կիսելով այն «Չելսիի» և «Տոտենհեմի» հետ:
