Պրեմիեր Լիգայի 17-րդ տուրի կենտրոնական հանդիպումը կայացավ Լոնդոնի «Էմիրեյթս» մարզադաշտում, ուր «Արսենալն» ընդունել էր «Մանչեսթեր Սիթիին»։
Արսեն Վենգերի սաներին հաջողվեց 2-1 հաշվով առավելության հասնել «քաղաքայինների» նկատմամբ։ Հանդիպման հաշիվը 33-րդ րոպեին հեռահար հարվածով բացեց Թեո Ուոլկոտը, իսկ ընդմիջումից վայրկյաններ առաջ «զինագործների» առավելությունը կրկնապատկեց Օլիվյե Ժիրուն։
«Սիթիին» հաջողվեց միայն կրճատել հաշվի տարբերությունը։ 82-րդ րոպեին գոլի հեղինակ դարձավ Յայա Տուրեն։ «Արսենալն» այս հաղթանակից հետո՝ վաստակած 36 միավորով կշարունակի զբաղեցնել 2-րդ հորիզոնականը։
Գոլեր․ Ուոլկոտ՝ 33ր, Ժիրու՝ 45ր, Տուրե՝ 82ր։
