«Լիվերպուլը» ձմեռային տրանսֆերային պատուհանից առաջ հետաքրքրություն է ցուցաբերում երեք կիսապաշտպանների նկատմամբ։
Կիսապաշտպանության ուժեղացումը «Լիվերպուլի» գլխավոր մարզիչ Յուրգեն Կլոպի համար առաջնային դեր ունի 2023 թվականին: Եվ մեծ է հավանականությունը, որ «կարմիրները» կփորձեն ճիշտ խաղացողների ձեռք բերել հենց հունվարին, այլ ոչ թե հաջորդ ամռանը։
Դորտմունդի «Բորուսիայի» հարձակվող Ջուդ Բելինգհեմը, իհարկե, «կարմիրների» գլխավոր նպատակն է, բայց այս տրանսֆերը չափազանց բարդ է թվում հատկապես մրցաշրջանի միջնամասում։
Ըստ TEAMtalk-ի՝ «Լիվերպուլը» երեք այլընտրանքային տարբերակ ունի այն դեպքում, եթե Բելինգհեմի տեղափոխության վերաբերյալ բանակցությունները չհաջողվեն: «Լեսթերից» Յուրի Տիլեմանսը, «Վուլվերհեմպտոնից»՝ Ռուբեն Նևիշը և «ՌԲ Լեյպցիգը»՝ Կոնրադ Լայմերը:
