«Տոտտենհեմի» հարձակվող Ռիչարլիսոնը ազդրի վնասվածքի պատճառով բաց կթողնի առնվազն մեկ ամիս:
Ռիչարլիսոնը վնասվածք է ստացել անցյալ ուրբաթ աշխարհի առաջնության քառորդ եզրափակչում Խորվաթիայի դեմ Բրազիլիայի հավաքականի հետ խաղից առաջ:
Չնայած սահմանափակ շարժունակությանը, Ռիչարլիսոնը խաղաց 84 րոպե, բայց չկարողացավ խանգարել իր թիմին դուրս մնալ մրցաշարից և միայն խորացրեց վնասվածքը։
Ինչպես հաղորդում է Evening Standard-ը, Ռիչարլիսոնը «Տոտտենհեմ» է ժամանել նախօրեին՝ նախատեսված ժամկետից մեկ շաբաթ շուտ: Նախ, «Էվերթոնի» և «Ուոթֆորդի» նախկին խաղացողը խորացված հետազոտության է ենթարկվել։
Այս պահին «շպորները» դեռ վերլուծում է հետազոտության արդյունքները, սակայն լուրջ մտավախություն կա, որ Ռիչարլիսոնը չի վերադառնա մինչև հունվարի կեսերը, երբ Անտոնիո Կոնտեի թիմը կհանդիպի «Արսենալին» և «Մանչեսթեր Սիթիին»:
