«Աստոն Վիլլայի» գլխավոր մարզիչ Ունայ Էմերին ասել է, որ իր թիմը պետք է իրատես մնա եվրոպական մրցաշարի ուղեգիր նվաճելու հարցում:
«Առյուծները» ավելի վաղ 2:0 հաշվով հաղթել էր «Նոթինգհեմ Ֆորեստին»: Այսպիսով, Էմերիի սաները Պրեմիեր լիգայի վերջին յոթ հանդիպումներում վեց հաղթանակ են տարել՝ մնացածն ավարտելով ոչ-ոքի։
Այս քայլը «Վիլլային» բարձրացրել է աղյուսակի վեցերորդ հորիզոնական, սակայն Էմերին կոչ է անում նրանց իրատես լինել իրենց ուժեղ կողմերի նկատմամբ՝ ոչ ի հաշիվ իրենց հավակնությունների:
«Եվրոպա գնալը մեր նպատակն է»։
«Մյուս թիմերը լավ են խաղում: Բայց վեցերորդ տեղը զբաղեցնելն անիրատեսական կլինի։ «Բրայթոնն» ու «Լիվերպուլը» խաղ պակաս է անցկացրել, և մենք պետք է սպասենք»:
«Մենք պետք է իրատես լինենք, բայց նաև հավակնոտ: Պետք է հաղթենք հաջորդ խաղում»,- Էմերիի խոսքերն է մեջբերում Sky Sports-ը։
