Մրցավարական մարմինը հրապարակել է մրցավարների խոսակցության ձայնագրությունը «Լիվերպուլի» հարձակվող Լուիս Դիասի՝ «Տոտտենհեմի» դարպասը խփած գոլի դրվագում։
Խաղից անմիջապես հետո ընդունելով, որ Դիասի գոլը սխալմամբ է չեղարկվել, նույն օրը մրցավարական մարմինը «Լիվերպուլին» տրամադրեց մրցավար Սայմոն Հուպերի, VAR֊ի մրցավար Դարեն Ինգլենդի և նրա օգնական Դեն Կուկի խոսակցությունների ձայնագրությունը:
Իսկ այժմ հրապարակվել է նաև համապատասխան ձայնագրությունը։ Ինչպես գրում էր մամուլը, Ինգլենդը կարծում էր, որ Հուպերը հաշվել էր գոլը և փորձում էր միայն համոզվել, որ Դիասը խուսափել է խաղից դուրս վիճակից, իսկ իրականում Սայմոնը իր որոշումը կայացրել էր ելնելով իր եզրային օգնականի ազդանշանից:
«Ստուգումն ավարտված է: Ամեն ինչ լավ է, կատարյալ: Ես դուրս եմ եկել»,- ասում է Ինգլենդը՝ համոզվելով, որ Դիասը խաղից դուրս վիճակում չէ:
Երբ Ինգլենդն և Կուկը նկատեցին, որ գոլն իրականում չընդունված էր, նրանք որոշեցին հավատարիմ մնալ VAR արձանագրությանը և չմիջամտել:
«Ես չեմ կարող օգնել դրան, չեմ կարող օգնել», – ասում է Ինգլենդը՝ նախքան հայհոյելը:
