Պրեմիեր լիգան դիմել է British Airways-ի օդաչուներին՝ VAR համակարգին օգնելու համար:
Այս մրցաշրջանի սկզբին մրցավարների և VAR-ի միջև հաղորդակցության հիմնական թերությունը բացահայտվեց, երբ Լուիս Դիասի գոլը «Տոտտենհեմի» դեմ խաղում սխալմամբ չհաշվեցին:
Այնուհետև մրցավարական կորպուսի ղեկավար Հովարդ Վեբը խոստացավ միջոցներ ձեռնարկել ոլորտում գործընկերների և վիդեո ասիստենտների միջև փոխըմբռնումը բարելավելու համար, և նա գործով հաստատեց իր խոսքը։
Ըստ The Times-ի՝ Պրեմիեր լիգան և Վեբը աննախադեպ քայլեր են ձեռնարկել՝ դիմելով պրոֆեսիոնալ օդաչուներ՝ Քրիս Հեյվենին և Փիթեր Նաթարաջին:
Հեյվենը և Նաթարաջը փորձում են մրցավարներին բացատրել ճնշման տակ հաղորդակցության կարևորությունը և ինչ միջոցներ պետք է ձեռնարկվեն, որպեսզի հաղորդակցությունը լինի պարզ և արդյունավետ:
Ֆուտբոլային ղեկավարները կարծում են, որ օդաչուների և մրցավարների մասնագիտությունների միջև շատ նմանություններ կան: Երկուսն էլ հսկայական պարտականություններ ունեն, երկուսն էլ աշխատում են բարձր աղմուկի տակ՝ փորձելով կենտրոնանալ այն բաների վրա, որոնք իսկապես կարևոր են:
