«Մանչեսթեր Սիթին» մտադիր է ձմեռային տրանսֆերային պատուհանի ժամանակ ձեռք բերել «Բավարիայի» կիսապաշտպան Յոզուա Կիմիխին:
«Սիթին» ակտիվորեն նոր կիսապաշտպան է փնտրում այն բանից հետո, երբ Կալվին Ֆիլիպսը ստացավ «Սիթիի» գլխավոր մարզիչ Գվարդիոլայի թույլտվությունը՝ հունվարին ակումբային գրանցումը փոխելու հարցում:
Ժոաու Պալինյային կապում են «Սիթի» տեղափոխվելու հետ, սակայն «Ֆուլհեմի» աստղով հետաքրքրում են նաև Մյունխենի «Բավարիան» և «Լիվերպուլը»՝ ստիպելով «Սիթիին» աչքի տակ ունենալ այլընտրանքային տարբերակներ:
Ըստ talkSPORT-ի, նման տարբերակներից մեկը Կիմիխն է, ով «Բավարիայում» է 2015 թվականին «ՌԲ Լեյպցիգից» տեղափոխվելուց հետո: Յոզուան մյունխենյան ակումբի կազմում անցկացրել է 367 հանդիպում՝ նվաճելով Բունդեսլիգայի 8 անընդմեջ չեմպիոնական տիտղոս։
«Բավարիային» սիպում է վաճառել Կիմիխին այն հանգամանքը, որ 28 ամյա գերմանացու պայմանագիրը լրանում է հաջորդ մրցաշրջանի վերջում, և այս պահին կողմերը մոտ չեն համագործակցությունը երկարաձգելուն։
