«Լիվերպուլը» պաշտոնապես հաստատել է «Ինտերի» կիսապաշտպան Ֆիլիպե Կոուտինյոի տրանսֆերը: Գործարքը մերսիասայդցիների համար արժեցել է 8.5 մլն ֆունտ:
Դեռ երեքշաբթի օրը լուրեր հայտնվեցին, որ 20-ամյա բրազիլիացին մարզվում է «Էնֆիլդում»: Այսօր Կոուտինյոն ստացել է Անգլիայում հանդես գալու իրավունք:
Ֆիլիպեն երկարաժամկետ պայմանագիր է ստորագրել ակումբի հետ և վերձրել է 10 համարի մարզաշապիկը: Բրազիլիացին ձմեռային տրանսֆերային պատուհանի ընթացքում «կարմիրների» երկրորդ ձեռքբերումն է:
-Ես շատ ուրախ եմ: Սա շատ կարևոր քայլ էր իմ կարիերայում: Հուսով եմ լավագույնս հանդես կգամ՝ օգնելով թիմին հասնել հաջողության:
«Լիվերպուլը» փառահեղ ակումբ է՝ մեծ պատմությամբ,- ասել է Կոուտինյոն:
