«Լիվերպուլի» հարձակվող Լուիս Սուարեսը հերթական անգամ վստահեցրել է, որ չի պատրաստվում հեռանալ մերսիսայդյան ակումբից:
Ընթացիկ մրցաշրջանում Սուարեսը 22 գոլ է խփել և համարվում է Պրեմիեր Լիգայի լավագույն ռմբարկուն: Մինչդեռ Լուիսի թիմն այնպես լավ հանդես չի գալիս, ինչպես որ նա կուզենար:
Արդեն երկար ժամանակ է՝ խոսվում է այն մասին, թե 26-ամյա ուրուգվայցին հնարավոր է հեռանա «Լիվերպուլից», մինչդեռ Սուարեսն ամեն անգամ հերքում է այդ լուրերը:
-Ես հաճելի ժամանակ եմ անցկացնում, որովհետև ակումբը աճում է, և ես զգում եմ, որ անձամբ մասնակցում եմ դրան: Չգիտեմ, թե արդյոք իմ լավագույն մարզավիճակում եմ, սակայն զգում եմ, որ ինձ վիճակված է գոլեր խփել և ես օգտվում եմ դրանից,- հայտնել է Սուարեսը El Observador-ին տված հարցազրույցի ժամանակ:
