«Սանդերլենդ» ֆուտբոլային ակումբը հիմնադրվել է անգլիական Սանդերլենդ քաղաքում 1879 թվականին: Այս ակումբը մասնակցում է Պրեմիեր Լիգային: Իր ստեղծման օրվանից ի վեր ակումբը հաղթել է Առաջին Դիվիզիոնի 6 տիտղոս` 1892, 1893, 1895, 1902, 1913 և 1936թթ-ին և Անգլիայի Ֆուտբոլի 2 Գավաթ 1937 և 1973թթ-ին: «Սանդերլենդն» իր առաջին` Անգլիայի Ֆուտբոլի Գավաթը նվաճել է 1937թ-ին` 3-1 հաշվով հաղթելով «Պրեսթոն Նորֆ Էնդին»: Ակումբը խաղացել է բարձրագույն Լիգայում 68 մրցաշրջան (80 տարի, որն ընդհատվել է պատերազմի պատճառով): Առաջին անգամ նրանք ցածր լիգայում հայտնվում են 1958 թ-ին: Երկրորդ համաշխարհային պատերազմից հետո «Սանդերլենդի» առավել ուշագրավ տիտղոսը եղել է նրա երկրորդ հաղթանակը Անգլիայի Ֆուտբոլի Գավաթում (1973թ), երբ ակումբն ապահովեց 1-0 հաղթանակ «Լիդս Յունայթեդի» նկատմամբ: Թիմը գրավել է երկրորդ դիվիզիոնի տիտղոսը 5 անգամ և 3-րդ դիվիզիոնինը` մեկ անգամ: Իր տնային խաղերը ակումբն անցկացնում է 49,000 հանդիսատես հյուրընկալող «Ստադիում օֆ Լայթ» մարզադաշտում` 1997թ-ին տեղափոխվելով «Ռոքեր Պարկ»-ից: Սկզբում մարզադաշտը կարող էր հյուրընկալել 42,000 մարդ, որի քանակը 2000թ-ի վերանորոգումից հետո դառնում է 49,000: «Սանդերլենդը» երկարատև մրցակցության մեջ է իր հարևան «Նյուքասլ Յունայթեդ» ակումբի հետ, որի հետ մրցում է Թայն ընդ Վիըր դերբիում 1898 թվականից: