«Լիվերպուլն» այսօր ավարտին կհասցնի «Արսենալի» և Անգլիայի հավաքականի կենտրոնական կիսապաշտպան Ալեքս Օքսլեյդ-Չեմբերլենի տրանսֆերը։ Սպասվում է, որ պաշտոնական հայտարարությունը կլինի երեկոյան։
Սակայն մինչ այդ հայտնի է դարձել Օքսլեյդ ֊Չեմբերլենի բուժզննման մասին, որից լուսանկարներ են հրապարակվել։ Liverpool Echo֊ի հաղորդմամբ, գործարքն արժեցել է 35 մլն ֆունտ։ Անգլիացի ֆուտբոլիստը մերսիսայդյան ակումբի հետ 5 տարվա պայմանագիր է ստորագրել։ Ըստ ոչ պաշտոնական աղբյուրների, Օքսլեյդ֊Չեմբերլենը շաբաթական կվաստակի 120 հազար ֆունտ, որը 60 հազարով քիչ է Չելսիի առաջարկած պայմաններից։
Ավելացնենք, որ Ալեքսը «Արսենալում» էր 2011 թվականից։ Այդ ընթացքում լոնդոնյան ակումբում մասնակցել է 132 հանդիպման, որոնցում դարձել է 9 գոլի հեղինակ։
Թարմացված․ Երևանի ժամանակով 15։00֊ին Լիվերպուլը պաշտոնապես հաստատեց տրանսֆերը։
