Այսօր երեկոյան Աթենքում «Մանչեսթեր Սիթին» կմրցի «Սևիլիայի» հետ՝ որոշելու Եվրոպայի Սուպերգավաթի հաղթողին:
Եվրոպայի Սուպերգավաթի խաղն ավանդաբար նախորդում է եվրագավաթների նոր մրցաշրջանին և դիմակայություն է Չեմպիոնների լիգայի հաղթողի և Եվրոպայի լիգայի հաղթողի միջև։
Անցած մրցաշրջանում նվաճելով եվրոպական տրիբլ՝ նոր մրցաշրջանում «Սիթին» դեռ չի կարողացել զարգացնել այդ հաջողությունը, քանի որ «քաղաքայինները» Անգլիայի Սուպերգավաթի խաղում 11 մետրանոց հարվածաշարով պարտվցին «Արսենալին»:
«Մենք պետք է նույն ցանկությամբ դուրս գանք խաղադաշտ, ինչ մեր նախորդ եզրափակիչներում, նախորդ եզրափակիչներում մենք ցույց տվեցինք մեր ցանկության մակարդակը»:
«Այն, թե ինչպես մենք խաղացինք «Բերնլիի» դեմ, ցույց է տալիս մեր ցանկությունը: Այսօր ես նույնը կխնդրեմ իմ թիմից: Այսօր եզրափակիչն է, և դա դժվար հանդիպում է լինելու»:
«Մենք միշտ քաղցած ենք և ցանկանում ենք նվաճել հնարավոր յուրաքանչյուր գավաթ: Մենք շատ տխուր էինք, երբ պարտվեցինք «Արսենալին», – ասել է «Սիթիի» կիսապաշտպան Ռոդրին:
Անցած մրցաշրջանում «Սևիլիան» 7-րդ անգամ անընդմեջ դարձավ Եվրոպա լիգայի չեմպիոն՝ այդ ընթացքում հաղթելով «Սիթիի» հարևան «Մանչեսթեր Յունայթեդին»:
«Սիթին» «Սևիլիայի» հետ նախորդ չորս հանդիպումներում էլ հաղթել է ընդհանուր 12։3 հաշվով։ Չորսն էլ Չեմպիոնների լիգայի խաղարկություններում:
«Սևիլիան» հաղթեց իր առաջին խաղում Եվրոպայի Սուպերգավաթի համար (2006 թ.), բայց հետո այստեղ հինգ անընդմեջ պարտություն կրեց, և սա ռեկորդային է՝ 2007, 2014, 2015, 2016, 2020 թթ.
«Սիթին» անպարտելի է եվրոպական 13 հանդիպում անընդմեջ (8 հաղթանակ, 5 ոչ-ոքի):
«Սիթին» իսպանական թիմերի դեմ վերջին 11 խաղերից միայն մեկում է պարտվել (8 հաղթանակ, 2 ոչ-ոքի):
«Սևիլիան» եվրոպական մրցաշարերում պարտվել է անգլիական թիմերի դեմ վերջին յոթ խաղերից չորսում (2 հաղթանակ, 1 ոչ-ոքի):
Խոսեպ Գվարդիոլան որպես մարզիչ հաղթել է Եվրոպայի Սուպերգավաթի բոլոր երեք խաղերում՝ «Բարսելոնայի» հետ 2009 և 2011 թվականներին և «Բավարիայի» հետ 2013 թվականին։
«Սիթին» առաջիկա ամիսներին ստիպված կլինի խաղալ առանց կիսապաշտպան Քևին Դե Բրույնեի, ով ազդրի վնասվածք ստացավ ԱՊԼ-ի առաջին տուրի՝ «Բերնլիի» դեմ խաղում: Ռուբեն Դիասը մարզման ժամանակ վնասել է գլուխը և յոթ օր հանգստանալու հնարավորություն է ստացել։ Ջոն Սթոնսը ազդրի հետ կապված փոքր խնդիրներ ունի։
Եվրոպայի Սուպերգավաթ՝
«Մանչեսթեր Սիթի» (Անգլիա) – «Սևիլիա» (Իսպանիա)
Կարայսկակիս մարզադաշտ 23:00
