«Մանչեսթեր Սիթիի» գլխավոր մարզիչ Խոսեպ Գվարդիոլան ասել է, որ իր թիմը «Ուինսթոն Չերչիլի պես առաջատարի կարիք չունի»:
Կիրակի օրը «Սիթին» 1-2 հաշվով հաղթանակ տարավ «Ֆուլհեմի» նկատմամբ՝ փետրվարի 17-ից ի վեր առաջին անգամ շրջանցելով «Արսենալին»:
Լոնդոնյան հանդիպումից հետո Գվարդիոլան ասաց, որ իր խաղացողներից յուրաքանչյուրը հասկանում է իր դերը, և «քաղաքացիները» չունեն այնպիսի մարդու կարիք, ով կտանի թիմի ֆուտբոլիստնեին իր հետևից։
«Իմ թիմը Ուինսթոն Չերչիլի նման առաջնորդի կարիք չունի: Նրանք գիտեն, թե ինչ պետք է անեն»:
«Սա, անկասկած, մրցաշրջանի այս հատվածում կայացած ամենադժվար խաղերից մեկն էր, և մենք դա գիտեինք նախապես: Ամեն անգամ, երբ մենք հաղթում էինք խաղերում, իսկ «Արսենալը» միավորներ չէր կորցնում, թվում էր, թե մեր միակ նպատակը պարզապես «Արսենալին» հաղթելն էր: Բայց երբ նման խաղ ես խաղում (ինչպես «Ֆուլհեմի» դեմ), կարող ես մի փոքր դանդաղեցնել արագությունները»:
«Այսօր ես դա չտեսա: Երկու թիմերն էլ խաղում էին նույն պայմաններում, ուստի բավական դժվար էր ռիթմը թելադրելը, բայց մենք գտանք մեր խաղը: Մենք ճիշտ պաշտպանվեցինք: Մենք որոշ խնդիրներ ունեինք, բայց դա նորմալ է, և այս պահին ես միայն մտածում եմ վերականգնման մասին»։
«Մենք շատ հանդիպումներ ունենք, խաղում ենք երեք օրը մեկ, և դա լավ է: Հաղթանակներն օգնում են, և այս փորձությունը մեզ չի վախեցնում»,- Գվարդիոլայի խոսքերն է մեջբերում Sky Sports-ը։
