Պրեմիեր Լիգայի 30-րդ տուրի կենտրոնական հանդիպումը կայացավ «Էնֆիլդ» մարզադաշտում, ուր «Լիվերպուլը» հյուրընկալել էր «Մանչեսթեր Յունայթեդին»:
Լարված և անզիջում պայքարում ավելի ուժեղ գտնվեցին «կարմիր սատանաները»՝ հաղթելով 1:2 հաշվով: Հանդիպման հաշիվը 14-րդ րոպեին բացեց իսպանացի կիսապաշտպան Խուան Մատան, ով երկրորդ խաղակեսում դարձավ դուբլի հեղինակ՝ շրջադարձ հարվածով գրավելով Սիմոն Մինյոլեի պաշտպանած դարպասը: «Լիվերպուլին» հաջողվեց միայն կրճատել հաշվի տարբերությունը: Գոլն էլ իր հաշվին գրանցեց Դանիել Սթարիջը:
Ավելացնենք, որ երկրորդ խաղակեսի մեկնարկին փոխարինման դուրս եկած Սթիվեն Ջերարդը 40 վայրկյան հետո կարմիր քարտով հեռացվեց դաշտից, իսկ խաղի վերջին րոպեին «Լիվերպուլի» դարպասին նշանակված 11 մետրանոցը չկարողացավ իրացնել Ուեյն Ռունին,
Այս հաղթանակից հետո Լուի վան Գալի սաները՝ վաստակած 59 միավորով կշարունակեն զբաղեցնել 4-րդ հորիզոնականը:
Գոլեր. Մատա՝ 14ր, 59ր, Սթարիջ՝ 69ր
Հեռացում. Ջերարդ՝ 46ր:
