Պրեմիեր Լիգայի 30֊րդ տուրի մեկնարկը տրվեց «Էնֆիլդ Ռոուդ» մարզադաշտում, ուր «Լիվերպուլը» հյուրընկալել էր «Էվերթոնին»։
Մերսիսայդյան դերբիում ավելի ուժեղ գտնվեցին դաշտի տերերը՝ հաղթելով 3-1 հաշվով։ Հանդիպման հաշիվը 8-րդ րոպեին բացեց Սադիո Մանեն, որը վնասվածքով ավարտեց խաղը։ Պատասխան գնդակը 28-րդ րոպեին խփեց Մեթյու Փենինգթոնը, որից ընդամենը 3 րոպե հետո «Լիվերպուլը» կրկին առաջ անցավ հաշվի մեջ։ Գոլի հեղինակ դարձավ Ֆիլիպե կոուտինյոն։ Երկրորդ խաղակեսում էլ իր թիմի երրորդ գոլը խփեց Դիվոկ Օրիջին։
Այս հաղթանակից հետո Յուրգեն Կլոպի թիմը՝ վաստակած 59 միավորով բարձրացավ 3-րդ հորիզոնական։
Գոլեր․ Մանե՝ 8ր, Փենինգթոն՝ 28ր, Կոուտինյո՝ 31ր, Օրիջի՝ 60ր։
