«Լիվերպուլը» չի պատրաստվում գնել «ՊՍԺ»-ի կենտրոնական պաշտպան Մամադու Սախոյին: Այս մասին հայտնում է Liverpool Echo-ն:
Անցած շաբաթ Ֆրանսիայի հավաքականի խաղացողը խոստովանել է, որ հաճելի է լսել, որ իրենով հետաքրքրված են պատմություն ունեցող ակումբներ, ինչպիսին են «Մինալը» և «Լիվերպուլը»: Սակայն, աղբյուրի համաձայն, «կարմիրները» Սախոյին գնելու համար առաջարկություն չեն անի:
Միաժամանակ հայտնում են, որ «Լիվերպուլն» այլևս հետաքրքրված չէ «Սուոնսիի» ավագ Էշլի Ուիլյամսով` ֆուտբոլիստի բարձր գնի պատճառով: Սակայն, դա չի նշանակում, որ գլխավոր մարզիչ Բրենդան Ռոջերսը չի փնտրում կենտրոնական պաշտպանի դիրքն ուժեղացնելու լուծումներ: Այդ դիրքի համար արդեն հրավիրվել է Կոլո Տուրեն, սակայն «կարմիներն» ուշադրությունը կենտրանացրել են «Սպորտինգի» պաշտպան Տիագո Իլորի և «Շալկե 04»-ի պաշտպան Կիրիակոս Պապադոպուլոսի կողմը:
