«Ատլետիկի» հարձակվող Ֆերնանդո Լյորենտեն պատրաստվում է ամռանը տեղափոխվել անգլիական որևէ ակումբ:
Ավելի վաղ ֆուտբոլիստը հրաժարվեց երկարաձգել պայմանագրի ժամկետը բասկյան ակումբի հետ: 2013 թվականի ամռանը հարձակվողը կլքի Ատլետիկը` որպես ազատ գործակալ:
-Ամենաշատը կցանկանայի ուժերս փորձել Պրեմիեր Լիգայում, քանի որ խաղային իմ ոճը ամբողջությամբ համապատասխանում է այս առաջնությանը,- ասել է Լյորենտեն:
Իսպանիայի ազգային հավաքականի ծառայություններով հետաքրքված են անգլիական մի շարք ակումբներ` «Արսենալը», «Չելսին», «Տոտտենհեմը», «Լիվերպուլն» ու մանչեսթերյան երկու ակումբները:
