«Լիվերպուլի» վինգեր Լուիս Դիասը ծնկի կապանների վնասվածքի պատճառով մոտ վեց ամիս բացակայությունից հետո վերադարձել է մարզումներին:
Դիասը չի խաղացել «Լիվերպուլի» կազմում հոկտեմբերին «Արսենալից» կրած պարտությունից հետո (3-2): Սկզբում Լուիսին երեք ամիս ժամանակ էր տրվել ապաքինվելու համար, սակայն Դուբայում ձմեռային հավաքի ժամանակ 26 ամյա կոլումբիացին վնասվածքի կրկնություն ունեցավ։
Այնուամենայնիվ, Դիասը սկսել է մարզվել ակադեմիայի խաղացողների հետ անցյալ շաբաթ և այժմ վերադառնում է մարզումների «կարմիրների» առաջին թիմի հետ Կիրբիի բազայում:
Սեզոնի վերջին հատվածը «Լիվերպուլի» համար սկսվում է «Մանչեսթեր Սիթի» ուղևորությամբ, և տեսականորեն Դիասը կարող է նույնիսկ ընդգրկվել Պրեմիեր լիգայի այս հանդիպման պահեստայինների թվում:
Դիասի վերադարձը հիանալի նորություն կլինի «Լիվերպուլի» համար։ Լուիսը, ով 2022 թվականի հունվարին 50 միլիոն ֆունտով տեղափոխվեց «Պորտուից», շատ էր պակասում Յուրգեն Կլոպի թիմին:
