«Վեստ Հեմը» տարավ իր 9-րդ անընդմեջ հաղթանակը Կոնֆերանց Լիգայում` արտագնա 0-2 հաշվով հաղթելով «ԱԵԿ Լառնակային»:
Այա Նապայում կայացած հանդիպման ճակատագիրը վճռեց Մայքլ Անտոնիոյի դուբլը առաջին խաղակեսի վերջնամասում։ Նախ «մուրճերի» հարձակվողը գլխով գրավեց մրցակցի դարպասը, ապա ցուցադրեց իր ունեցած վարպետությունը հեռահար հարվածների «բնագավառում»։
Մեկ շաբաթ անց «Վեստ Հեմն» ու «ԱԵԿ»-ը կհանդիպեն Լոնդոնում՝ որոշելու Եվրոպայի երրորդ կարևորագույն ակումբային մրցաշարի քառորդ եզրափակիչի ուղեգրի ճակատագիրը։
«ԱԵԿ Լառնակա» (Կիպրոս) 0 – 2 «Վեստ Հեմ» (Անգլիա)
Գոլեր՝ Անտոնիո 36ր, 45ր։
Դեղին՝ Դաունս, Կեյեռ։
