«Տոտենհեմի» նախկին մարզիչ Հարի Ռեդնապը կարծում է, որ Ժոզե Մոուրինյոն Ֆերգյուսոնին փոխարինող ամենահավանական և արժանի թեկնածուն է:
«Արքայական» ակումբի մարզիչ Ժոզե Մոուրինյոն չի թաքցնում իր ցանկությունը, որ մի օր կվերադառնա Պրեմիեր Լիգա: Մոուրինյոյի անունը հաճախ կապվում է «Չելսիի» և «Մանչեսթեր Սիթիի» հետ: Սակայն Հարին Մոուրինյոյին տեսնում է «Յունայթեդի» ղեկին:
-Ոչ մեկի համար գաղտնիք չէ, որ Ժոզեն ցանկանում է վերադառնալ Պրեմիեր Լիգա: Ես չեմ զարմանա, եթե նա տեղափոխվի Մանչեսթեր: Բայց ես նրան պատկերացնում եմ «Յունայթեդի» ղեկին և ոչ թե «Սիթիի»:
Երբ Ֆերգյուսոնի մարզչական կարիերան հասնի իր ավարտին, ապա շատերը կգտնվեն, ովքեր կցանկանան փոխարինել նրան: Սակայն ամենից հավանական և արժանի եմ համարում Մոուրինյոյին: Միայն նա է կարող շարունակել այս երկրի բոլոր ժամանակների լավագույն մարզչի աշխատանքը,- ասել է Ռեդնապը: The Sun
