«Տոտտենհեմի» դարպասապահ Ուգո Լյորիսը ծնկի կապանների վնասվածքի պատճառով բաց կթողնի մինչև երկու ամիս։
Լյորիսն այս վնասվածքը ստացել է անցած տուրում «Մանչեսթեր Սիթիի» դեմ կայացած հանդիպման վերջնամասում։
Ինչպես հայտնում է BBC-ն, Ուգոն խուսափել է վիրահատությունից, սակայն 36 ամյա ֆրանսիացու ապաքինումը կտևի վեցից ութ շաբաթ։
Այսպիսով, ի թիվս այլոց, Լյորիսը բաց կթողնի Չեմպիոնների լիգայի 1/8 եզրափակչի «Միլանի» դեմ երկու հանդիպումները և Պրեմիեր լիգայի «Չելսիի» դեմ դերբին։
Լյորիսի բացակայության դեպքում «Տոտտենհեմը» դարպասը կպաշտպանի Ֆրեյզեր Ֆորսթերը, ում, ամենայն հավանականությամբ, կապահովագրեն «շպորների» ակադեմիայի սան հանդիսացող Բրենդոն Օսթինը և Ալֆի Ուայթմանը:
Անցյալ ամառ «Սաութհեմպտոնից» իր տեղափոխությունից հետո Ֆորսթերը միայն չորս խաղ է անցկացրել «Տոտտենհեմի» կազմում, այդ թվում՝ Պրեմիեր լիգայի իր միակ հանդիպումը «Բրենթֆորդի» դեմ Boxing Day-ում (2-2):
Ավելացնենք, որ Պրեմիեր լիգայի այս մրցաշրջանում Լյորիսը չորս սխալ թույլ տվեց, որոնք հանգեցրին բաց թողած գոլերի, և սա դիվիզիոնի ռեկորդ է։
