Պրեմիեր Լիգայի 14-րդ տուրի կենտրոնական հանդիպումը տեղի կունենա «Սթեմֆորդ Բրիջ» մարզադաշտում, ուր առաջատար «Չելսին» լոնդոնյան դերբիում կհանդիպի «Տոտտենհեմին»:
«Չելսին» այժմ առանց պարտության շարունակում է գլխավորել մրցաշարային աղյուսակը: «Ազնվականները» առաջին 13 տուրում ընդամենը երեք անգամ են միավոր կիսել մրցակցի հետ: Ժոզե Մոուրինյոյի թիմը առջևում է նաև խփած գնդակների քանակով:
Ինչ վերաբերվում է նրանց այսօրվա մրցակցին, ապա «Տոտտենհեմն» արդեն 5 պարտություն է կրել և վաստակած 20 միավորով ընդամենը 9-րդ հորիզոնականում է: Մաուրիսիո Պոչետինոյի թիմը Պրեմիեր Լիգայի վերջին 7 խաղերից 6-ն ավարտել է 2:1 հաշվով:
Լոնդոնյան այս երկու ակումբներն ընդհանուր առմամբ հանդիպել են 150 անգամ և առավելությունը «կապույտների» կողմն է, որոնք հաղթել են միմյանց միջև անցկացված խաղերից 63-ում, 38 խաղում գրանցվեց ոչ ոքի, իսկ 49 անգամ ուժեղ է գտնվել հյուսիսլոնդոնյան ակումբը:
Խաղը տեղի կունենա այսօր, Երևանի ժամանակով 23:45-ին:
Մեր կանխատեսումը՝ 2:1:
