«Մանչեսթեր Սիթիի» գլխավոր մարզիչ Ռոբերտո Մանչինին մեկնաբանել է լուրերն այն մասին, թե Էդին Ջեկոն հնարավոր է տեղափոխվի Դորտմունդի «Բորուսիա»:
-Ջեկոն կարևոր ֆուտբոլիստ է մեզ համար: Մենք դեռ չենք խոսել տրանսֆերի մասին, քանի որ մրցաշրջանի ավարտին դեռ 10 հանդիպում կա: Մինչդեռ հունիսին ինչ-որ բան հնարավոր է տեղի ունենա: Եթե խաղացողը տրանսֆերի համար խնդրի ինձ, ապա մենք կգնահատենք իրավիճակը: Սա վերաբերվում է բոլոր ֆուտբոլիստներին:
Ինձ համար Էդինը հիանալի ֆուտբոլիստ է: Իտալիայում նա կարող է մեկ մրցաշրջանում խփել ավելի քան 20 գոլ: Կարծում եմ Ջեկոն կարժենա մոտ 20 մլն եվրո, հնարավոր է ավելի շատ,- հայտնել է Մանչինին:
Նշենք, որ ընթացիկ մրցաշրջանում Ջեկոն անցկացրել է 24 հանդիպում և խփել 12 գնդակ:
