Բրազիլիական ֆուտբոլի լեգենդ Ռոնալդինյոն կարծում է, որ իր հայրենակիցներ Ֆիլիպե Կոուտինյոյի և Ռոբերտո Ֆիրմինոյի շնորհիվ «Լիվերպուլը» նոր մակարդակի կբարձրանա:
Երեկ «կարմիրները» պաշտոնապես հայտնեցին «Հոֆենհայմից» 23-ամյա Ֆիրմինոյի տրանսֆերը 29 մլն ֆունտով գնելու մասին: Ռոնալդինյոյի կարծիքով, Ռոբերտոն կարող է փայլուն համագործակցել Կոուտինյոյի հետ, ով արդեն համարվում է «Լիվերպուլի» առաջատարներից մեկը:
-Թիմում ունենալ Կոուտինյո և Ֆիրմինո, դա մեծ ձեռքբերում է «Լիվերպուլի» համար: Ի դեմս նրանց, ակումբն ունեցավ Եվրոպայի լավագույն կիսապաշտպանական զույգը:
Նրանց կրեատիվությունը, ինտելեկտը և գոլեր խփելու կարողությունը կարող է փոխել «Լիվերպուլը»: Նրանց շնորհիվ «Լիվերպուլը» Չեմպիոնների Լիգային մասնակցելու լավ հնարավորություն կունենա:
«Լիվերպուլի» հարձակվողները կարող էին միայն երազել նման խաղընկերների մասին: Նրանք գոլային շատ պահեր կստեղծեն,- ասել է Ռոնալդինյոն: Liverpool Echo
