«Սանդերլենդը», որը կարող է շուտով կորցնել Սիմոն Մինյոլեին, պատրաստ է լուծել իր դարպասապահի հարցը «ՊՍՎ»-ի երիտասարդ դարպասապահ Յերուն Զուտի օգնությամբ:
Հայտնի է, որ «Սանդերլենդը» գրեթե համաձայնվել է վաճառել Սիմոնե Մինյոլեին «Լիվերպուլին»` 8-10 մլն ֆունտով: Մարզիչ Պաոլո Դի Կանիոն ստիպված է մրցաշրջանի մեկնարկից առաջ նոր առաջին համար փնտրել:
Համաձայն Algemeen Dagblad-ի, չորեքշաբթի «կատուների» պատվիրակությունը հետևել է Հոլանդիայի երիտասարդական հավաքականում Զուտի խաղին` Իտալիայի հավաքականի դեմ, և հիմա անգլիական ակումբը պատրաստ է իր առաջարկությունն անել:
22-ամյա Զուտը դեռևս չի կարողանում «ՊՍՎ»-ի հիմնական կազմում տեղ զբաղեցնել, այդ պատճառով, անցած մրցաշրջանում նա վարձավճարով հանդես է եկել «Վաալվեյկում»: Երիտասարդ հոլանդացին դժվար թե բաց թողնի Պրեմիեր Լիգայում հանդես եկով ակումբի առաջին համարը դառնալու հնարավորությունը:
