«Լիվերպուլի» ավագ Սթիվեն Ջերարդը հայտնել է, որ իր ակումբի համար առաջիկա մրցաշրջանն ուղղակիորեն կապված է լինելու Լուիս Սուարեսի հետ:
«Կարմիրների» փորձառու ավագի կարծիքով դժվար կլինի կատարել իրենց առաջադրանքը, եթե Սուարեսը որոշի հեռանալ «Էնֆիլդից»:
-Դժվար է յուրաքանչյուր մրցաշրջան ավարտել լավագույն քառյակում, երբ այնտեղ են այնպիսի ակումբներ, ինչիպիսիք են «Մանչեսթեր Սիթին», «Չելսին» և «Մանչեսթեր Յունայթեդը»: Մենք՝ «Տոտտենհեմի» և «Արսենալի» հետ պետք է պայքարենք մեկ տեղի համար:
Ինչպիսին կլինի մեզ համար այս մրցաշրջանը, կախված է Լուիս Սուարեսից: Ամեն ինչ շատ պարզ է: Եթե մենք կորցնենք նրան, ապա ավելի բարդ կլինի կատարել առաջադրանքը:
Եթե նա տեղափոխվի «Արսենալ», ապա կուժեղանա մեր մրցակիցը և մենք լուրջ խնդիրներ կունենանք:
Նա աշխարհի երրորդ ուժեղագույն ֆուտբոլիստն է: Կա Ռոնալդու և Մեսսի, ովքեր այլ մոլորակից են, իսկ հետո գալիս են Բեյլը և Սուարեսը,- The Independent-ին հայտնել է Ջերարդը:
