Պրեմիեր Լիգայի 5-րդ տուրի կենտրոնական հանդիպումը կայացավ «Ուեմբլի» մարզադաշտում, ուր «Տոտտենհեմը» հյուրընկալել էր «Լիվերպուլին»։
Խաղն անցավ գրեթե հավասար պայքարում, որում հաղթանակ տարան մերսիսայդյան ակումբի ֆուտբոլիստները։ Հանդիպման հաշիվը 39-րդ րոպեին բացեց Ջորջինո Վեյնալդումը, իսկ հաշիվը կրկնապատկեց Ռոբերտո Ֆիրմինոն։ «Տոտտենհեմին» հաջողվեց միայն վերջին րոպեին կրճատել հաշվի տարբերությունը։ Գոլի հեղինակ դարձավ Էրիկ Լամելան։
Այս հաղթանակից հետո Յուրգեն Կլոպի թիմը՝ վաստակած 15 միավորով կշարունակի մնալ առաջատարների թվում։
Գոլեր․ Վեյնալդում՝ 39ր, Ֆիրմինո՝ 54ր, Լամելա՝ 90+3ր։
