«Մանչեսթեր Սիթին» պաշտոնապես հայտնել է Դոնեցկի «Շախտյորի» կիսապաշտպան Ֆերնանդինյոյի տեղափոխության մասին: Գործարքը Անգլիայի նախկին չեմպիոնի համար արժեցել է 33 մլն ֆունտ:
Բժշկական ստուգում անցնելուց հետո 28-ամյա բրազիլիացին 5 տարվա պայամանագիր է ստորագրել «քաղաքայինների» հետ: Մանչեսթերյան ակումբում Ֆերնանդինյոն հանդես կգա 25 համարի մարզաշապիկով:
-Սա հնարավորություն է, որին ես երկար էի սպասել: Տեղափոխվել Պրեմիեր Լիգա և խաղալ «Սիթիում» ուղղակի երազանք է: Իմ նպատակն է հաղթել բոլոր հավանական տիտղոսները:
Այն, որ ես պետք է խաղամ այսպիսի ակումբում, դա ինձ երջանիկ է դարձնում: Հուսով եմ՝ ես կկարողանամ «Սիթիին» փոխհատուցել ամեն ինչի համար,- ասել է Ֆերնանդինյոն:
