Աշխարհի ամենահին ֆուտբոլային ակումբն անգլիական «Շեֆիլդն» է, որը հիմնադրվել է 1857 թվականի հոկտեմբերի 24-ին:
1860 թվականի դեկտեմբերի 26-ին տեղի ունեցավ ֆուտբոլի պատմության առաջին խաղը «Շեֆիլդ» և «Հալլամ» ակումբների միջև, որն ավարտվեց «Շեֆիլդի» 2:0 հաշվով հաղթանակով: Շեֆիլդյան այս դերբին աշխարհի ամենահին դերբին է համարվում, որը կոչվում է «Rules Derby»: 1862 թվականին Շեֆիլդում կար 15 ֆուտբոլային ակումբ, սակայն «Շեֆիլդը» ցանկացավ մրցել ոչ թե հարևանների, այլ ամբողջ Անգլիայի ուժեղագույն ակումբների հետ:
Այդ ժամանակ Անգլիայի քաղաքներն ունեին իրենց ֆուտբոլային կանոնները: Շեֆիլդյան ֆուտբոլային կանոնները (Sheffield Rule) հիշեցնում են այժմյան ավստրալիական ֆուտբոլը:
