Երեկ «Նոր Ուեմբլի» մարզադաշտում կայացավ Անգլիա – Իսպանիա ընկերական հանդիպումը։
Անգլիացիների համար հաջող դասավորվեց խաղի մեկնարկը և արդեն 9-րդ րոպեին առաջ անցան հաշվի մեջ։ Վաստակած 11 մետրանոցն անվրեպ իրացրեց «Լիվերպուլի» կիսապաշտպան Անդամ Լալանան։ Պակաս հաջող չէր նաև երկրորդ խաղակեսի մեկնարկը, երբ «Լեսթեր Սիթիի» լավագույն ռմբարկու Ջեյմի Վարդին կրկնապատկեց դաշտի տերերի առավելությունը։
Սակայն Գարեթ Սաութգեյթի սաները բաց թողեցին 2 գնդակի առավելությունն, այն էլ հանդիպման վերջնամասում։ Նախ 89-րդ րոպեին հաշվի տարբերությունը կրճատեց Յագո Ասպասն, ապա ավելացրած ժամանակի վերջին րոպեին իր թիմի երկրորդ գոլը խփեց Իսկոն։
Գոլեր․ Լալանա՝ 9ր (11մ), Վարդի՝ 48ր, Ասպաս՝ 89ր, Իսկո՝ 90+6ր։
