Ինչպես հայտնում է Metro-ն, Մախաչկալայի «Անժին» «Նյուքասլ Յունայթեդին» է առաջարկել իր աստղային հարձակվող Սամուել Էտո’Օյի ծառայությունները:
Մեկ շաբաթ առաջ դաղստանյան ակումբը փոխեց պլանները և որոշեց վաճառել բարձր վարձատրվող ֆուտբոլիստներին՝ այդ թվում նաև Սամուելին:
Աղբյուրի հաղորդմամբ, կամերունցու ծառայություններով հետաքրքրված են «Նապոլին» և «Ջենովան», սակայն ֆուտբոլիստի գործակալը ցանկանում է ակումբ փնտրել Պրեմիեր Լիգայում: Եվ այժմ Սամուելին առաջարկել են տեղափոխվել «Նյուքասլ»:
Հաղորդվում է, որ «կաչաղակները» Էտո’Օյին կարող են ստանալ սիմվոլիկ 5 մլն ֆունտ գումարով: Սակայն եթե ֆուտբոլիստը նույնպես ցանկություն ունենա միանալ Ալան Պարդյուի թիմին, ապա պետք է զիջումների գնա աշխատավարձի հարցում, քանի որ «Նյուքասլը» չի կարող վճարել այնքան, որքան նա այժմ վաստակում է «Անժիում»:
